Livro dos Salmos

¹ מַשְׂכִּיל לְדָוִד;
² בִּהְיוֹתוֹ בַמְּעָרָה תְפִלָּה.
³ קוֹלִי, אֶל-יְהוָה אֶזְעָק; קוֹלִי, אֶל-יְהוָה אֶתְחַנָּן.
⁴ אֶשְׁפֹּךְ לְפָנָיו שִׂיחִי; צָרָתִי, לְפָנָיו אַגִּיד.
⁵ בְּהִתְעַטֵּף עָלַי, רוּחִי-- וְאַתָּה, יָדַעְתָּ נְתִיבָתִי:
⁶ בְּאֹרַח-זוּ אֲהַלֵּךְ-- טָמְנוּ פַח לִי.
⁷ הַבֵּיט יָמִין, וּרְאֵה-- וְאֵין-לִי מַכִּיר:
⁸ אָבַד מָנוֹס מִמֶּנִּי; אֵין דּוֹרֵשׁ לְנַפְשִׁי.
⁹ זָעַקְתִּי אֵלֶיךָ, יְהוָה:
¹⁰ אָמַרְתִּי, אַתָּה מַחְסִי; חֶלְקִי, בְּאֶרֶץ הַחַיִּים.
¹¹ הַקְשִׁיבָה, אֶל-רִנָּתִי-- כִּי-דַלּוֹתִי-מְאֹד:
¹² הַצִּילֵנִי מֵרֹדְפַי-- כִּי אָמְצוּ מִמֶּנִּי.
¹³ הוֹצִיאָה מִמַּסְגֵּר, נַפְשִׁי-- לְהוֹדוֹת אֶת-שְׁמֶךָ:
¹⁴ בִּי, יַכְתִּרוּ צַדִּיקִים-- כִּי תִגְמֹל עָלָי.